આજે રાજ્યના ઘણા વિસ્તારોમાં વરસાદની આગાહી છે. દક્ષિણ ગુજરાત અને સૌરાષ્ટ્રના અનેક વિસ્તારોમાં હવામાન વિભાગે વરસાદની આગાહી કરી છે. આગાહી અનુસાર સુરત, નવસારી, ડાંગમાં ભારે વરસાદની સંભાવના છે. વલસાડ, તાપી, અમરેલીમાં પણ ભારે વરસાદની આગાહી કરાઇ છે.

ભાવનગર, ગીર સોમનાથ, દીવમાં ભારે વરસાદની આગાહી છે. તો બનાસકાંઠા, પાટણ, મહેસાણામાં તેજ ગતિએ પવન ફૂંકાવવાની સંભાવના વ્યક્ત કરાઇ છે. સાબરકાંઠા, અરવલ્લી, ગાંધીનગરમાં તેજ ગતિએ પવન ફૂંકાવવાની આગાહી છે. ખેડા, આણંદ, અમદાવાદમાં પણ વંટોળની આગાહી છે.

પંચમહાલ, દાહોદ, મહિસાગરમાં પણ વાવાઝોડાની સંભાવના વ્યક્ત કરાઇ છે. વડોદરા, નર્મદા, ભરૂચમાં 50 થી 60 કિમિની ઝડપે પવન ફૂંકાશે. રાજકોટ, જામનગર, સુરેન્દ્રનગર, પોરબંદર, જૂનાગઢ, મોરબીમાં ભારે પવન ફૂંકાવવાની સંભાવના વ્યક્ત કરાઇ છે.